माळजाई मंदिरात पत्रकार बांधवांच्या हस्ते महाआरती; पत्रकारांचा शाल-श्रीफळ देऊन सन्मान
पत्रकारिता हा लोकशाहीचा मजबूत आधारस्तंभ; समाजातील जनतेचा आवाज प्रशासनापर्यंत पोहोचविण्याचे कार्य कौतुकास्पद — माळजाई मंदिर व उद्यान समितीचा उल्लेखनीय उपक्रम
राज महाराष्ट्र टाइम्स
फलटण : लायन्स क्लब फलटण संचलित माळजाई मंदिर व उद्यान समिती, फलटण यांच्या वतीने आयोजित करण्यात आलेल्या नवरात्र व दसरा महोत्सवानिमित्त मंगळवार, दि. १३ ऑक्टोबर २०२६ रोजी दुपारी ठीक १२ वाजता माळजाई देवी मंदिरात फलटण शहरातील ज्येष्ठ पत्रकार व पत्रकार बांधवांच्या शुभहस्ते महाआरती उत्साहपूर्ण आणि भक्तिमय वातावरणात संपन्न झाली. यावेळी उपस्थित ज्येष्ठ पत्रकारांचा शाल व श्रीफळ देऊन सन्मानपूर्वक सत्कार करण्यात आला.
पत्रकारितेच्या सामाजिक योगदानाचा गौरव करण्याच्या उद्देशाने आयोजित करण्यात आलेल्या या विशेष उपक्रमातून पत्रकार बांधवांविषयी कृतज्ञता व्यक्त करण्यात आली. समाजातील विविध प्रश्नांना वाचा फोडणे, सर्वसामान्य नागरिकांच्या अडचणी प्रशासनापर्यंत पोहोचविणे, शासनाच्या विविध योजना व निर्णयांची माहिती जनतेपर्यंत पोहोचविणे आणि सामाजिक, शैक्षणिक, आरोग्यविषयक तसेच नागरी प्रश्नांवर निर्भीडपणे भूमिका मांडणे, तसेच धार्मिक आणि सांस्कृतिक वारसा लाभलेल्या फलटण शहर आणि तालुक्यातील धार्मिक कार्यक्रमांची माहिती नागरिकांना प्रसार माध्यमाद्वारे माहीत करून देणेअशी महत्त्वपूर्ण सामाजिक बांधिलकी आणि जबाबदारी पत्रकारिता पार पाडत असते.
लोकशाहीचा चौथा स्तंभ म्हणून पत्रकारितेचे स्थान अत्यंत महत्त्वाचे आहे. समाजातील घडामोडींवर लक्ष ठेवून जनतेच्या प्रश्नांना व्यासपीठ मिळवून देण्याबरोबरच प्रशासन आणि नागरिक यांच्यातील दुवा म्हणून पत्रकार कार्य करतात. अन्याय, समस्या आणि जनहिताच्या विषयांना प्रसिद्धी देऊन लोकशाही अधिक सक्षम करण्यामध्ये पत्रकारांचे योगदान मोलाचे आहे. त्यांच्या लेखणीमुळे अनेक प्रश्न समाजासमोर येतात, संबंधित यंत्रणांचे लक्ष वेधले जाते, आणि सकारात्मक बदलांना चालना मिळते. पत्रकारितेतील ही सामाजिक बांधिलकी लक्षात घेऊन माळजाई मंदिर व उद्यान समितीने पत्रकार बांधवांचा सन्मान करण्याचा स्तुत्य उपक्रम राबविला.
या कार्यक्रमात ज्येष्ठ पत्रकार श्री. अरविंदभाई मेहता, श्री. युवराज पवार, श्री. विकास शिंदे, श्री. सुधीर अहीवळे, श्री. राजाभाऊ बोंद्रे, श्री. सागर चव्हाण, श्री. वैभव गंगतीरे, श्री. गणेश भोईटे आणि श्री. शेखर गायकवाड यांचा शाल व श्रीफळ देऊन गौरव करण्यात आला.
माळजाई देवीच्या नवरात्रोत्सवाला धार्मिक श्रद्धेची जोड देतानाच सामाजिक सलोखा, परस्पर स्नेह आणि विविध क्षेत्रांत उल्लेखनीय कार्य करणाऱ्या व्यक्तींच्या सन्मानाची परंपरा जपण्याचा प्रयत्न या उपक्रमातून करण्यात आला. मंदिर व उद्यान समितीच्या या उपक्रमामुळे पत्रकारिता क्षेत्रातील बांधवांप्रती आदरभाव व्यक्त झाला असून, सामाजिक कार्य आणि पत्रकारिता यांच्यातील सुसंवाद अधिक दृढ होण्यास मदत झाली.
यावेळी माळजाई मंदिर व उद्यान समितीचे चेअरमन श्री. प्रमोद निंबाळकर, खजिनदार श्री. महेश गरवालीया तसेच लायन्स मुधोजी चॅरिटेबल आय हॉस्पिटलचे सचिव श्री. चंद्रकांत कदम उपस्थित होते.
माळजाई मंदिर व उद्यान समितीच्या वतीने नवरात्रोत्सवाच्या निमित्ताने धार्मिक कार्यक्रमांसोबत सामाजिक बांधिलकी जपणारे विविध उपक्रम राबविण्यात येत असून, पत्रकार बांधवांचा सन्मान हा त्याचाच एक महत्त्वपूर्ण भाग ठरला. समाजाच्या सर्वांगीण विकासासाठी योगदान देणाऱ्या व्यक्तींचा गौरव करणे आणि सामाजिक ऐक्याची भावना वृद्धिंगत करणे, हा या कार्यक्रमामागील मुख्य उद्देश होता.
— लायन्स क्लब फलटण संचलित माळजाई मंदिर व उद्यान समिती, फलटण
