राज महाराष्ट्र टाइम्स
फलटण. फलटण शहरात बानगंगा नदीच्या तीरावर मलठण येथे योगी साधू श्री हरिबाबा यांचे समाधी स्थान असून संपूर्ण महाराष्ट्रातून भक्तगण येथे दर्शनासाठी येत असतात.
या मंदिरात पूर्ण वर्षभर सदैव धार्मिक कार्यक्रमांचे आयोजन होत असते. दरवर्षीप्रमाणे संपूर्ण श्रावण मासात मंदिरामध्ये सकाळी सहा ते सात श्रींची अभिषेक आणि आरती झाल्यावर सकाळपासून संध्याकाळपर्यंत नित्यनेमाने पूर्ण श्रावण मास पुढील प्रमाणे कार्यक्रम होत आहेत.
सकाळी
सात ते आठ-हरिपाठ
आठ ते नऊ- श्री ग्रंथराज ज्ञानेश्वरी वाचन
दुपारी तीन ते पाच. फलटण येथील महिला भजनी मंडळाचे भजन.
सायंकाळी पाच ते सहा प्रवचन
रात्री सात ते नऊ सांप्रदायिक भजन.
तसेच पंचक्रोशीतील सर्व ज्येष्ठ कीर्तनकार पण मंदिरात येऊन आपली कीर्तन सेवा बजावत असतात.
या श्रावण मासात भाविकांनी श्रींचे दर्शन घेऊन या धार्मिक कार्यक्रमांचा लाभ घ्यावा असे आवाहन करण्यात आले आहे.
श्रीहरी बाबा साधू हे फलटणकराचे श्रद्धास्थान असून संपूर्ण महाराष्ट्रातच त्यांचा भक्तगण दिसून येतो.
